កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ បានចុះត្រួតពិនិត្យរដ្ឋបាលអាគារសភាពាណិជ្ជកម្ម ឆុងឈីង និងឈានដល់ការបង្ក្រាប រឹបអូសវត្ថុតាងបម្រើឲ្យការប្រព្រឹត្តបទល្មើស Online Scam ព្រមទាំងគ្រឿងញៀនណមួយចំនួនធំ

ដោយ រស្មីទូកមាស ផ្សាយ Mar 2, 2026

(ភ្នំពេញ)៖ កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ បានចុះត្រួតពិនិត្យរដ្ឋបាលអាគារសភាពាណិជ្ជកម្ម ឆុងឈីង ក្នុងភូមិ១៥ សង្កាត់ទន្លេបាសាក់ ខណ្ឌចំការមន នៅថ្ងៃទី១ ខែមីនា ឆ្នាំ២០២៦ និងឈានដល់ការបង្ក្រាប រឹបអូសវត្ថុតាងបម្រើឲ្យការប្រព្រឹត្តបទល្មើស Online Scam ព្រមទាំងគ្រឿងញៀនណមួយចំនួនធំ។

ប្រតិបត្តិការនេះដឹកនាំដោយលោក សុខ ពេញវុធ អភិបាលរងរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ព្រមទាំងមានការសម្របសម្រួលនីតិវិធីពីលោក លី គីមស៊ាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។

ក្នុងប្រតិបត្តិការនោះ កម្លាំងសមត្ថកិច្ចជំនាញបានរកឃើញមានសារធាតុញៀនមួយចំនួន និងមានកុំព្យូទ័រមួយចំនួនសង្ស័យ រួមមាន៖

*កុំព្យូទ័រ ALL IN ONE ចំនួន៤៤គ្រឿង

*Monitor ចំនួន៣៤គ្រឿង

*CPU ចំនួន២៧គ្រឿង

*Laptop ចំនួន៣គ្រឿង។

តាមការត្រួតពិនិត្យរប់សការិយាល័យប្រឆាំងបទល្មើសបច្ចេកវិទ្យាលើកុំព្យូទ័រ បានសន្និដ្ឋានថា សម្ភារទាំងនោះប្រើប្រាស់ដើម្បីប្រព្រឹត្តល្បែងភ្នាល់តាមប្រព័ន្ធអនឡាញខុសច្បាប់។

ក្រៅពីនេះ សមត្ថកិច្ចក៏បានរកឃើញនូវសារធាតុញៀនមួយចំនួនធំទៀតផងដែរ រួមមាន៖

ជាន់ទី២ និងជាន់ទី៤៖

*ម្សៅម៉ដ្ឋពណ៌ទឹកក្រូច ដាក់កញ្ចប់ពណ៌ទឹកសមុទ្រ អក្សរ Porsche ចំនួន៨៩០កញ្ចប់

*ម្សៅម៉ដ្ឋពណ៌ទឹកក្រូច ដាក់កញ្ចប់ពណ៌លឿង អក្សរ Porsche ចំនួន៣៨០កញ្ចប់

*ម្សៅស្អិតពណ៌ទឹកក្រូច ដាក់កញ្ចប់ពណ៌ខៀវ អក្សរ ចិន ចំនួន២៣០កញ្ចប់

*ម្សៅម៉ដ្ឋពណ៌កាហ្វេ ដាក់កញ្ចប់កាហ្វេពណ៌ខ្មៅ ចំនួន៨៩កញ្ចប់

*ម្សៅស្អិតពណ៌ទឹកក្រូច ដាក់កញ្ចប់ពណ៌ចម្រុះអក្សរចិន ចំនួន២៦៦កញ្ចប់

*សារធាតុរាវពណ៌ត្នោតដាក់ក្នុងដបពណ៌ក្រហមរូបសេះ Ferrari ចំនួន២៦០កញ្ចប់

*ម្សៅម៉ដ្ឋពណ៌ផ្កាឈូក ដាក់ក្នុងប្រអប់អក្សរ Doublemint ចំនួន១០២៥ប្រអប់

*បារីអេឡិចត្រូនិច អក្សរ BINGE ចំនួន៧០ប្រអប់ ស្មើ៤២០ដើម

*ម្សៅម៉ដ្ឋពណ៌ស ចំនួន១កញ្ចប់ធំ

*ម្សៅស្អិតពណ៌ទឹកដោះគោ ដាក់ក្នុងកូនដបពណ៌ស ចំនួន១០០ដប